Ledige gardsbruk i Valdres

Finn idyllen med eit småbruk i Valdres. Foto: Naturfokus.

Busetnad: Ein tredjedel vil busetja seg i distrikta

31 prosent av folketalet seier dei kunne tenkje seg å bu i distrikts-Noreg. Dette viser ei Norsk Monitor undersøking.

Areala og bygningane på dei mange landbrukseigedomane i Valdres representerer ein viktig ressurs for auka busetnad og næringsutvikling i regionen. Det er idag mange eigedomar der det ikkje er aktiv landbruksdrift, men som har både arealressursar og stor bygningsmasse. Her ligg eit viktig potensial for auka busetnad og for å etablere nye arbeidsplassar.

400 tomme bruk i Valdres

Prosjektet ”Ledige gardsbruk i Valdres” har registrert 400 tomme bruk i regionen, dvs bruk der eigaren ikkje bur på bruket. Det er vidare etablert kontakt med eigarane av bruka. 

Målet med prosjektet er å få lys i glasa på flest mogleg gardsbruk i Valdres og få til gode prosessar med eigarar, eigedomsmeklarar og interesserte kjøparar eller leigetakarar. Regionrådet for Valdres samarbeider med kommunane i gjennomføringa av prosjektet.

Stor etterspurnad etter gardsbruk i Valdres

Samtlege av kommunane i Valdres registrerer stor interesse for kjøp av småbruk. Sjølv om mellom 20 – 30% av bruka i regionen er ubebudde, er det stort underskot på tilbod av ledige bruk i høve til etterspurnaden.

Dei fleste som vil kjøpe bruk ønskjer småbruket som buplass for seg og familien og vil drive garden som hobbybruk. Enkelte er sjølvsstendig næringsdrivande som ønskjer å etablere verksemda si på ein gard eller utvikle ny næring på garden, t.d. gardsturisme.

Informasjon om ledige gardsbruk i Valdres

Har du spørsmål vedrørande ledige gardsbruk i Valdres, vend deg til kontaktperson i Regionrådet for Valdres: Guri Grønolen, tel 61 35 94 55, e-post: guri.gronolen@fmop.no.

Følg også med på www.gardsbruk.no for å halde deg oppdatert om ledige gardsbruk i Valdres.